Kuch tha bhi ke nahi?

Kuch tha bhi ke nahi?

Samay simatta jaata hai

Kuch der se samjh na chaa raha hu



Ke kuch tha bhi ke nahi?

Insaaniyat se jhoojhta hua

Iss moh ke maayajaal mai

Apni hi soch se kuch soch na chaa raha hu

Kuch toote hue pehluo ko firse jodna chaa raha hu,

Mann mai parantu sawaal firse aata hai wohi,

Ke kuch tha bhi ke nahi?

Aazmaaish ka andesha na kabhi tha na kabhi rahega

Manzilo se na kabhi ruswa hue the na hoge

Raasto mai hi aashya banaate banaate chale the

Ek umeed thi

Ek junoon tha

Uljhte uljhte kuch iss tarah uljh gaye

Ke aabb iss kashti ko koi kinaara mil paayega kya kabhi ?

Ke kuch tha bhi ke nahi?

Lipta hu patto se kuch is tarah

Ke unn par hote hue bhi,

Kya kabhi ho saka unka?

Isi tarah jeevan jeeta jaa raha hu

Kya mai hu ya nahi

Kya mai hu ya nahi

Ke kuch tha ke bhi nahi ?

Ek zindagi se ek saddi

Ya ek saddi ki ek zindagi?

Woh hai mujhme?

Ya mai hu Uska?

Ab iss waqt ke kuwe se nikalne ko jee chaahta hai

Ab iss intezaar ke thairav se ubharne ko jee chaahta hai

Kuch kam tha?

Kuch zyaada tha?

Ke kuch tha bhi ke nahi?

Faryaad karu bhi toh kisse

Kuch galtiya hui bhi toh thi mujhse

Ek arsa ho gaya waha se aane ko

Ek arsa ho gaya iss jhoot ko sachh manne ko

Ab laut jaane ko jee chahta hai

Ab ek sach ko jeene ko jee chahta hai

Yeh paheli tu suljhaayega ya nahi?

Ke kuch tha bhi ke nahi?

Written by Huzaifa Bhopalwala